Finn oss

Bessheim ligg fint plassert på fjellovergangen mellom Valdres og Gudbrandsdalen, attmed fylkesveg 51 over Valdresflya. Det er 34 mil til Oslo gjennom Gudbrandsdalen, og 25 mil til Oslo om Fagernes og Beitostølen. Frå Trondheim er det 31 mil, og frå Bergen er det knapt 36 mil, via Lærdal og Beitostølen. Vi har brøytt veg opp hit heile året frå Sjoa og Vågå.

Merk deg at kvar vinter, mellom 15. desember og 31. mars, er fylkesveg 51 Valdresflye stengt mellom Beitostølen og Maurvangen. Dersom du skal besøke oss i denne perioden må du køyre E6, til Sjoa. Sjoa ligg 1 mil sør for Otta. Frå Sjoa og opp hit til Bessheim er det 62 km. Vegen går opp gjennom Heidal. Etter 32 kjem du til Randsverk. Her kjem du inn på fylkesveg 51, og i krysset her tek du til venstre. Deretter køyrer du vidare innover Sjodalen til Bessheim.

Bessheim ligg rett attmed vegen og det er ein stor, brun hovudbygning på oversida av vegen. I perioden frå Valdresflye opnar 31. mars og fram til 17. mai, er vegen nattestengd mellom 20.00 og 08.00. Det same gjeld ofte sist i november og fyrst i desember.

Det er ikkje til å koma unna at det enklaste er å koma til oss med eigen bil. Det kollektive tilbodet er ikkje veldig stort.

Buss

Om sommaren går det buss til Bessheim frå Otta og Vågå. Rutetidene på desse bussane finn du på opplandstrafikk.no

Mange av gjestane som vil besøkje Jotunheimen tek Valdresekspressen via Fagernes og Beitostølen for å koma seg til fjells. Desse rutene går via Gjende og Lom heilt fram til Leirvassbu. Ta ein titt på Nor-way bussekspress for å finne rutetidene,  eller på jvb.no. NB: Desse rutene går berre om sommaren, frå juni til september. 

Ta bussen til fjells vinteren 2019! For buss frå Oslo, så kan du sjekke ut sida busstilfjells.no DNT Oslo og Omegn set opp eigne bussar mellom Otta og Gjendesheim vinteren 2019. Til Otta går det både tog og ekspressbussar. Her er alle avgangsdatoane frå Otta til Gjendesheim med stopp på Veoli (Glitterheim), Hindsæter og Bessheim: Søndag 17. februar 2019, fredag 8. mars 2019, fredag 22. mars 2019, fredag 29. mars 2019, fredag 5. april 2019, fredag 12. april 2019, fredag 14. april 2019, fredag 17. april 2019, fredag 21. april 2019 og fredag 26. april 2019. Alle med avgang klokka 12:00 frå Otta. Bussjåfør har passasjerliste.

 Pris DNT-bussen: DNT-medlemmar: kr 280,- Ikkje-medlemmer: kr 330,- Prisen inkluderer frakt av ski og bagasje/sekk (1 kolli pr. pers + ski). Ingen rabatt for barn.

 Billettar: Klikk deg inn på denne lenka, finn datoen du ynskjer å bestille bussbillett i ramme på høgre side, og bestill billett på nett: https://www.dntoslo.no/aktiviteter/102211/861072/

Generell informasjon og vilkår: Billettane må kjøpast på nett minimum to verkedagar før avreise.  Ingen refusjon ved avbestilling. Det er ikkje lovleg å ta med hundar på bussen. Dei oppsette ankomsttidene er cirkatider. Ved ekstraordinære forhold kan det oppstå forseinkingar. DNT Oslo og Omegn fråskriv seg alt ansvar for eventuelle følgjer av forseinkingar.

VIKTIG! Det er også satt opp returbussar frå Gjendsheim, med moglegheit for påstigning i Bessheim, Hindsæter og Veoli (Glitterheim): https://www.facebook.com/events/325587334868146/

Tog

Kjem du med tog til Nord-Gudbrandsdal og Nasjonalparkriket, går du av på Otta stasjon. Her stoppar tog frå Åndalsnes, Trondheim og Oslo. Sjå nsb.no

Næraste flyplass

Næraste hovudflyplass er Oslo Lufthavn Gardermoen. Dit er det 25 mil via Beitostølen og Fagernes. Køyrer du E6 gjennom Gudbrandsdalen er det 30 mil dit.

Bussgrupper

Er du leiar for ei større eller mindre gruppe som treng transport er Jotunheimen Turbusser eit godt alternativ. Jotunheimen Turbusser er drive av Hans Magne Ramen. Heimesida er jotunheimenturbusser.no og e-post adressa er jotunheimenturbusser@yahoo.no 

Nasjonale turistvegar

Bessheim ligg attmed fylkesveg 51 over Valdresflya. Vegen over Valdresflya er ein av 18 nasjonale turistvegar i Norge. Å kjøre over Valdresflya er ei oppleving uansett årstid og vær. På våren og sommaren ser du ofte reinsdyr frå Vågå Tamrein AS langs med vegen. Les meir på nasjonaleturistveger.no/