Vi har påskeprogrammet og påskemenyen for 2019 klart i desember 2018.

Her ser du påskeprogrammet for 2018:

  • Søndag 25. mars. Quiz

Vi arrangerer quiz i peisstugu kl 20.30. Meld på lag i resepsjonen før klokka 20.00.

  • Tysdag 27. mars. Bingo

Bingoverten rullar i gang kulene klokka 20.00 i peisstugu. Meld deg på i resepsjonen før klokka 18.00. Passar for barn.

  • Tysdag 27. mars

Middagsbuffet med lokale smakar og tranchering av lam. Dessertbord. Den lokale vinimportøren Bertel & Martens frå Otta presenterer eit utval av vinane sine under måltidet. Gjestane kan gå til bords kva tid dei vil mellom 18.30 og 20.30.

  • Onsdag 28. mars. Foredrag om fedriftene

Onsdag 28. mars held Ole Kristian Ødegård foredrag om fedriftene frå Leirungsdalen til Christiania. Foredraget skildrar i ord og bilete ruta som fekarane tok fra Leirungsdalen i Jotunheimen til Christiania på 1800-talet. Ispedd «sanne» hulderhistorier og anekdoter frå livet til fekarane, vil publikum få innblikk i den kulturen som dei store fedriftene skapte. Dette betydde ei kjærkomen inntekt for storgardar og fattige husmenn i Gudbrandsdalen. Ein av desse fekarane vi møter, er den legendariske reinsjegeren Jo Gjende.

Klokka 20.30 i peisstugu.

  • Torsdag 29. mars. Familietur med reinsdyrbesøk

Reinsgjetarane Jørn Slettom og Ola Vaagaasarøygard har bålplass ikkje langt frå Bessheim saman med reinen Iver. Vi går på ski eller truger dit, saman med dei. Det blir bål med varm saft og pølsegrilling. Dei vil fortelja litt om reinsdyr, drifta i Vågå Tamrein AS og det å arbeide som reinsdyrgjetar. Passar for både barn og vaksne. Oppmøte i resepsjonen klokka 11.00

  • Torsdag 29. mars. Breturen.

For deg som vil vera med på ein fin og krevjande skitur!

Skjærtorsdag vil Jon Sjurgard vera turleiar på den klassiske «Breturen». Turen er ca 50 km og om lag 1550 høgdemeter.

Start og slutt på Bessheim. Turen går frå Bessheim, opp til Bessvatnet og vidare etter den kvista ruta til Glitterheim, heilt til ein kjem til Blåtjønnodden midt på Russvatnet. Vidare frå der går ein opp til Blåtjønnholet og inn til Styggehøbrean, der ein kjem inn på kvista rute mellom Glitterheim og Memurubu. Ein fylgjer denne kvista ruta til Memurubu. Når ein er i Styggehøbreskardet er det berre 15- 20 minutt oppå Søre Veotinden, så det er naturleg å ta med den. Heimatt frå Memurubu fylgjer ein isen etter Gjende fram til Gjendesheim. Siste etappe går i skiløypa til Bessheim.

Denne turen er ikkje for alle, men ein fin skitur for dei som er i form til å gå ein skitur på omlag 12 timar. Dei som melder seg på må ha skikkeleg utstyr og ha erfaring frå lange skiturar i fjellet.

Utstyrsliste: Gode og varme turklede. ullundertøy, vindtette ytterklede, dunjakke med hette, varme vottar med vindtrekk over, vindtett varm lue, solbriller, drikke og stor nok niste, fjellski, skismurning og feller og sitjeunderlag.

Jon er ein ivrig fjellkar som er veldig godt kjent i Jotunheimen. Han deler gjerne av kunnskapen sin om fjellet.

Turen vil gå skjærtorsdag. Blir det betre vær langfredag går turen da i staden.
Det er vilkår å ha fint vær, bra føre og trygg is på Gjende.

Dette var ein gjev tur å gå blant påskegjestane på Bessheim i gamledagar. Etter turen blir det servert kongepjolter. Dette var tradisjon etter lange turar før.

Prisen er kr. 600,- per person. Påmelding innan onsdag 28. mars på telefon 612 38 913 eller på e-post: post@bessheim.no

  • Torsdag 29. mars. Foredrag om Theodor Caspari

Forfattar Haldis Buer Stamnes held foredrag med lysbilde om diktaren Theodor Caspari, som ho gav ut  ein biografi om i 2012. Caspari er kanskje mest kjend for folk flest for dikta “Norge mitt Norge” og “Stå vakt om naturen!” Caspari var oppteken av natur og friluftsliv, og med det store engasjementet sitt var han med på å gjera sitt til at Gjende ikkje vart regulert.

I foredraget legg Stamnes vekt på det nære forholdet Caspari hadde til Sjodalen og Besseter, og til den fyrste turismen her i Aust-Jotunheimen.

Haldis Buer Stamnes er cand.philol. med norsk hovudfag og fransk og allmenn litteraturkunnskap i fagkrinsen. Sidan 1984 har ho hatt hytte i Skåbu, eit område Caspari òg var særs knytt til. Klokka 20.30 i peisstugu.

  • Fredag 30. mars. Påskemassasje.

Massasjeterapeut Gro Visdal masserer her på Bessheim langfredag frå 09.00-17.00. Ein time kostar kr. 650 og ein halvtime kostar kr. 400,- Bestill på telefon 612 38 913 eller e-post: post@bessheim.no

  • Fredag 30. mars. Quiz

Vi arrangerer quiz i peisstugu kl. 20.30. Meld på lag i resepsjonen før kl. 20.00

  • Laurdag 31. mars. Sledetur med reinsdyr

Reinsgjetarane i Vågå Tamrein, Jørn Slettom og Ola Vaagaasarøygard, stiller med reinsdyret Iver og slede. Du såg dei kanskje i NRK-serien «Gjeterar i Jotunheimen»? Bli med og kjør ei lita runde på isen på Øvre Sjodalsvatn! Passar for barn. Møt opp kva tid du vil frå klokka 11.00 til klokka 14.00. Kroner 100,- per person.

  • Laurdag 31. mars. Påskeskirenn og hoppkonkurranse kl. 1300.

Tradisjonen tru vert det også i år arrangert påskeskirenn og hoppkonkurranse. Ungar og vaksne kan få enkel ansiktsmåling frå kl. 12.00. Kle deg gjerne ut! Påmelding i resepsjonen seinast klokka 11.00. Grilling av pølser og varm saft.

  • Laurdag 31. mars – Påskekvelden

Vi serverer treretters middag klokka 1900. Bestilling i resepsjonen eller på telefon

61 23 89 13 seinast innan kl 22.00 kvelden før. Den lokale gruppa Bygdafolk spelar til dans og lagar god stemning utover kvelden! Middag og fest for dei som ikkje har halvpensjon kostar 435 kroner per person. Barn mellom 4 og 12 år – halv pris.

  • Guida skiturar

Dersom du vil vera med på ein guida skitur i påska må du prøve Gjendeguiden!

Bak Gjendeguiden står ein lokal, triveleg gjeng som har lyst til å vise deg godbitane i Jotunheimen. Dei har alle brei og lang erfaring innan ulike formar for friluftsliv, og dei kjenner mange av fjella kring Bessheim like godt som si eiga lomme. På tur med  Gjendeguiden går du ikkje etter klokka, men etter sola og været. Dei puttar sjokolada, termosen og tryggingsutstyret i sekken og ruslar avgarde medan praten går. 

For meir info om turane som Gjendeguiden har sett opp i påska så kan du ta ein titt på facebooksida eller på heimesida deira: www.gjendeguiden.no

Med atterhald om endringar.    

Vel møtt til ei innhaldsrik påske på Bessheim!          

Helsing Bjørn og Kari

Meny påska 2018

Fredag 23. mars

Kjekjøt frå ein lokal produsent

Steikt andebryst

Crepes suzette

Laurdag 24. mars

Heimelaga blomkålsupe

Filet av haustens vilt, med grønsaker, mild pepparsaus og hasselbakt potet

Crème Brûlée

Søndag 25. mars

Ein smak av Jotunheimen

Dagens fisk. Lokal fjellaure, dersom vi får tak i det

Sjokoladedessert

Måndag 26. mars

Potet- og purrelauksupe

Kokt reinsdyrkjøt servert på tradisjonelt vis med lauksaus saus, rotgrønsaker og potetstappe

Ostekake

Tysdag 27. mars

Middagsbuffet med lokale smakar og tranchering av lam frå garden Snerle i Vågå. Dessertbord. Den lokale vinimportøren Bertel & Martens presenterer vinane sine.

Onsdag 28. mars

Meny frå Christine Storm Munch si kokebok

Variantar av sylta fisk og grønsaker

Fersk torsk

Sitronterte med tyttebærsirup og urtetrekt pære

Skjærtorsdag 29. mars

Fiskesupe

Heilsteikt hjortelår med grønsaker, bakte poteter og saus. Tranchering i spisesalen

Heimelaga is med bær

Langfredag 30. mars

Påskebuffet med varme og kalde rettar og dessertbord

Påskekvelden 31. mars (DENNE KVELDEN ER MIDDAGEN KL 1900 FOR ALLE).

Smakar av fjellaure

Reinsdyr frå Vågå med friske grønsaker, viltsaus og potetstappe

Blautkake og moltekrem med skryller

Søndag 1. april

Grava reinsdyr med tyttebærrømme

Kalvekjøt med grønsaker, poteter og saus

Dagens dessert

Prisen på den treretters middagsmenyen vår er 380 kr per person. Langfredag og påskekvelden er prisen 435 kr per person. Har du pensjon, er middagen inkludert i prisen.

Det kan bli endringar i menyen. Middagen blir servert klokka 1830 – 20.30 kvar kveld, og kan bestillast per e-post på post@bessheim.no eller telefon 61 23 89 13.