På føtene:

Dette er høgdedraget mellom Bessheim og Gjendeosen. Frå Bessheim må du følge fylkesveg 51 til brua over Bessa er passert. Derifrå går det t-merka stig oppover lia. På høgaste punktet er det fin utsikt innover Gjende. Området har rik flora. I august blømer fjelldronninga i berga mot Veslfjellet. Det tek omlag ein time å gå frå Bessheim til Gjendesheim. På Gjendeosen er det i gjennom sommarsesongen folk og liv frå tidleg morgon til langt utpå kvelden. Du står her ved grensa til Jotunheimen Nasjonalpark og Gjendebåten går i rute på Gjende. Gjendosen Kiosk og Gjendesheim Turisthytte har kafe med fin utsikt innover nasjonalparken.

På ski:

Det går skiløype over Gjendehalsen frå opninga i februar til over påske. Sjå www.skisporet.no