Dette skjer i Bessheim gjennom året

Dei fleste som kjem til Bessheim og Jotunheimen kjem for å gå fotturar eller å gå på ski. Og mange kjem hit for ei spesiell matoppleving. Men det er også mange andre ting å bli med på i området vårt gjennom året. Eksempel på dette er guida turar, rafting i Sjoa, hundekjøring, klatring, sykling, besøkje Glittersjå Fjellgard eller ei av dei fine kyrkjene våre i Heidal, Vågå og Lom. I påska har vi eit rikhaldig program med foredrag, guida turar og og mykje god mat.

Hundekjøring

Hundekjøring er ein populær vinteraktivitet, og turar blir arrangert så sant snø- og løypeforholda tillet det.

Sesongen varar frå januar – april. Det er opplegg for både barn og vaksne og for kortare og lengre turar. Vi har to tilbydarar av hundekjøring her Sjodalen. Les meir på heimesida til SjodalenHyttetun: sjodalenhyttetun.no og Jotunheimen Husky Lodge: jotunheimenhuskylodge.no

 

Sesongen 2025 

Vi opnar for vintersesongen fredag 7. februar 2025! Frå da tek vi i mot gjestar på overnatting og vi har matservering kvar dag til over påske. Frå påske og fram til 11. mai held vi ope i helger og langhelger. Vi serverer middag frå ein liten a la carte meny kvar dag frå klokka 13.30 og utover. Kvar kveld gjennom vintersesongen har vi ein treretters meny eller ein liten middagsbuffet. Denne blir som regel servert frå klokka 18.30. Somme kveldar har vi ein kveldsbuffet i staden.

Skiløyper: sjekk www.skisporet.no

 

Opningshelg med middagsbuffet og levande musikk! Laurdag 8. februar lagar vi middagsbuffet med mange spanande smakar av rein, fjellaure, elg og hjort. Godt utval av kalde og varme rettar, samt eit fristande dessertbord. Svein Rune Damstuen, Knut Erik Tessnes og Thomas Bakke spelar til underhaldning og dans frå ca 21.00-01.00. Ei bordsetning klokka 18.00 og ei klokka 19.45. Pris for middagsbuffet kr 580,- Påmelding til middag og booking av rom eller hytter på e-post: post@bessheim.no eller telefon 61238913.

 

Besseggen vintertur frå februar til godt over påske. Når du går Besseggen om vinteren så startar turen her i Bessheim. Ruta er følgjande: Frå Bessheim og opp til Bessvassosen, innover isen på Bessvatnet (7 km), opp Besseggen med skia på ryggen, vidare på ski opp til det høgaste punktet som er Veslefjell 1743 moh, og til slutt stå på ski nedatt til Bessheim. Turen er er for alle i normalt god form og som er vande med å gå på fjellski. Du må rekne 6-8 timar på turen. Besseggen er like fantastisk om vinteren som om sommaren!

Vekestur på ski gjennom Sjodalen frå Lemonsjøen og Sjodalen Hyttetun til Bessheim med turopertøren Discover Norway. Du vil oppleve god mat, fyr på peisen, godt vertskap og vakker natur.

Dette er ein sjølvguida tur der du kan oppdage den uberørte vakre vinteren i denne regionen. Du går i oppkjørte skispor. Gjestane bur 2-3 neter på kvar plass, og vi fraktar bagasjen til neste overnattingstad. Tilgjengeleg februar og mars 2024. Les meir på: https://www.discover-norway.no/ski-tour/jotunheimen

Borghild og Hilde driv Discover Norway og dei held til på Lillehammer.

Strikke- og spinnehelg 21-23. februar 2025 : Vågå Husflidslag, Strikke Terje og ull- og garnprodusenten Naturgull arrangerer handarbeidshelg. Her skal vi spinne, strikke og eta god mat. Det blir fleire forskjellige kurs; eitt spinnekurs, eitt kurs i sying av saueskinn og fleire forskjellige strikkekurs. Det er program heile helga, men det er rom for å ta seg ein liten tur ut på ski også!

Sjå PDF program her

 

Sesongen for Høgruta i Jotunheimen er frå 21. mars til 21. april 2025, for da opnar dei andre turisthyttene i Jotunheimen for vintersesongen. Høgruta i Jotunheimen er en femdagars topptur i hjarta av Jotunheimen Nasjonalpark. Ruta går over minst åtte breer og syv 2000-metertoppar, inkludert Glittertind og Galdhøpiggen. Overnatting skjer på betjente hytter. Kva etappe er ca. 15 km, med 1000 – 1500 meter stigning. Høgruta er for dei sprekaste, men du kan heller velje å gå frå hytte til hytte i turistforeninga sine stikka løyper. Sjå høgrutaijotunheimen.no

 

Femretters middagsmeny laurdag 22. mars. Femretters middagsmeny. Opplegg og meny kjem seinare. 

 

Tredagars rundtur Bessheim – Glitterheim – Memurubu etter kvista løyper på fjellski. Dette er ein flott rundtur i Jotunheimen, ein gamal klassiker. Du får overnatting og alle måltid til kr. 4500,- per person. Frå 27. mars til 21. april 2025 har vi dette tilbodet saman med Memurubu og Glitterheim.

Les meire om turen her

 

Middag og levande musikk. Laurdag 29. mars 2025 har vi middagsbuffet med mange spanande smakar av rein, fjellaure, elg og hjort. Godt utval av kalde og varme rettar, samt eit fristande dessertbord. Svein Rune Damstuen, Knut Erik Tessnes og Thomas Bakke spelar til underhaldning og dans frå ca 21.00-01.00. Bestill bord på post@bessheim.no

 

Middagsbuffet og levande musikk. Laurdag 12. april 2025 har vi middagsbuffet med mange spanande smakar av rein, fjellaure, elg og hjort. Godt utval av kalde og varme rettar, samt eit fristande dessertbord. Svein Rune Damstuen, Knut Erik Tessnes og Thomas Bakke spelar til underhaldning og dans frå ca 21.00-01.00. Bestill bord på post@bessheim.no

 

Påska 2025. I påska, som i 2025 er frå 11. april til 21. april, har vi eit rikhaldig påskeprogram og ein eige påskemeny. Under fanen «PÅSKE» i menyen her på heimesida kan du lese meire om dette. 

Påskemenyen er klar, og programmet for påska kjem rundt jul.

 

Skihelger etter påske. Vi har ope helga 25-27. april, langhelga 30. april til 3. mai og helga 9-11. mai 2025.

Laurdag den 3. mai og laurdag den 10. mai har vi bryllup her på Bessheim. Spisesalen og stovene er reservert for bryllupet heile dagen og heile kvelden. Middag fredag kveld og frokostservering både laurdag og søndag morgon går som normalt for alle som bur her, anten dei er bryllupsgjestar eller ikkje.

For dei gjestane som ikkje skal i bryllup tilbyr vi ein treretters middag som dei kan ta med på utleigehytta og eta der. Du få alt pakka i ei kasse, så det er varm mat.

 

Skisesongen er over. Den 11. mai om kvelden stengjer vi for skisesongen.

 

Den 17. mai har vi ikkje ope. Vi stenger for skisesongen søndag 11. mai, og opnar att fredag den 6. juni.

 

Besseggensesongen startar fredag 6. juni. Gjendebåten startar å gå laurdag 7. juni. Gjendebåten kjører fleire avgangar stort sett kvar dag fram til søndag 5. oktober. Du kan gå Besseggen heile denne perioden, så sant det ikkje er veldig dårleg vær.

 

Besseggenløpet laurdag 14. juni. Bli med anten som mosjonist eller konkurranseløper. På 60-talet var løpet arrangert tre gonger, og da sprang Reidar Andreassen på 1 time og 16 minutt. Frå 2011 har løpet vore arrangert kvart år, og det går frå Memurubu til Gjendesheim. Rekorden er på 1.15.14, sett av Tomas Bereket i 2014. Lengda er 14 km og høgdeskilnaden er på 1100 meter. Damerekorden er på 1.35.31, sett av Tuva Toftdal Staver. For påmelding og informasjon sjå www.bessegglopet.no

 

Tredagars rundtur Bessheim – Glitterheim – Memurubu – fottur etter T-merka stigar. Fyrste dagen går du frå Bessheim til Glitterheim via Russdalen. Andre dagen går du frå Glitterheim til Memurubu og siste dagen kan du velje å ta Gjendebåten attende, eller du kan velje å gå Besseggen. Du får overnatting og alle måltid til kr. 4500,- per person. Tilbodet gjeld frå søndag-fredag 20. juni til 11. juli og frå søndag-fredag 22. august-midt i september 2025.

Les meire om denne flotte fjellturen her

 

Hausthelgene. Helgene frå 22. august til 5. oktober har vi fredagane ein mindre buffet med rummegraut og spekemat, ein fiskerett, samt dessertbord. Fiskeretten er lokal fjellaure, så sant vi får tak i det.  Laurdagane i denne perioden har vi middagsbuffet med kalde og varme rettar og dessertbord. Mange spanande smakar av rein, hjort, elg og fjellaure.

 

Rupejakta startar onsdag 15. september. I alle fall dersom rupebestanden tek seg opp att. Uansett er det jakt på hare og skogsfugl mm. Du må søkje Vågå Fjellstyre om jaktkort innan 1. april 2025.

 

Haustferien – veke 40.  Gjendebåten går nesten kvar dag heile hausten, fram til laurdag 4. oktober. Sjå www.gjende.no for å bestille billettar. 

Fjellaurekurs. Onsdag 1. oktober 2025 held kjøkensjef Bjørn Ekerbakke matkurs om den fine råvara fjellaure. Han går i gjennom fleire metoder for å foredle auren, som til dømes røyking, sylting, raking og så vidare. Han viser også måtar å filitere fisken på. Kurset byrjar klokka 12.00 onsdag 5. oktober og varar i 3 timar. Lunsj er inkludert og prisen er kr. 550,- per person. Maks 10 deltakarar. Påmelding på telefon 612 38 913 eller post@bessheim.no 

Parteringskurs. Torsdag 2. oktober 2025 held kjøkensjef Bjørn Ekerbakke kurs i partering av rein. Han deler opp eit heilt slakt og viser korleis du går fram ved partering. Han fortel også om korleis du kan nytte stykningsdelane på ein best mogleg måte. Kurset er på kjøkenet på Bessheim mellom klokka 12.00 og 15.00. Toretters lunsj er inkludert i prisen. Prisen er kr. 650,- per person. Maks 10 deltakerar på kurset. Påmelding på e-post post@bessheim.no eller på telefon 612 38 913.

 

Laurdag 4. oktober 2025 har vi ein stor middagsbuffet med kalde og varme rettar og dessertbord. Mange spanande smakar av rein, hjort, elg og fjellaure. Vi kjem til å ha levande musikk i peisstugu etter middagen denne kvelden. Dette blir ein livat kveld!

 

Søndag 5. oktober 2025 stenger vi Bessheim for vinteren. Vi kjem ikkje til å ha middagsservering denne dagen. Takk for i år!